انا بين نارين بين احتفاظي بطفلي وبين زواجي مرة ثانية..من أختار؟

- ابرز ما جاء في الرسالة :

* تزوجت من ابن بلدي وبعد 5 سنوات توفى زوجي بحادث طرق وانا كنت حامل

* أثرت كثير وضاقت الدنيا في وما عرفت شو راح اعمل بحياتي انقطعت عن الحياة فترة

* اهل زوجي عملولي مشاكل كثيرة بعد ما توفى وصاروا بكل شغلي بدهن يتدخلوا وما بدهن اياني اشتغل

* رجعت لبيت اهلي مع ابني تعرفت على شاب عن طريق الصدفة وعرف شو وضعي وصرنا نحكي مع بعض وصارت علاقتنا تكبر يوم بعد يوم وقررنا الزواج 
 
* اهلي ما رفضوا فكرة الزواج مرة ثانية ولكن اهل زوجي عملو مشاكل بس عرفوا بالموضوع وهددوني انهن يوخذوا ابني مني اذا اتزوجت لانهن ما بدهن ابن ابنهن يعيش مع زوج ام

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي :
انا امرأة عمري 29 سنة  متعلمة ومش ناقصني ايشي تزوجت قبل 5 سنين من شاب من بلدي وتعرفت علي عن طريق قرابة وتم الزواج بالطريقة التقليدية العادية .
بعد سنة من الزواج زوجي عمل حادث وتوفى الله يرحموا وترك بأحشائي طفل منو , ما بقدر اوصف شعور المراه لما يموت زوجها وهي تعد عروس جديدة وتركلها ببطنو طفل منو . اتأثرت كثير وضاقت الدنيا في وما عرفت شو راح اعمل بحياتي انقطعت عن الحياة فترة ابتعدت فيها عن الناس والاهل لحد ما اجا ابني ونور علي حياتي ورجعلي الامل لحياتي من جديد .
حاولت وررجعت للحياة من شانو لانو بدون اب وما الو غيري . بس المشاكل والهموم ما بعدت عني كثير لانو اهل زوجي عملولي مشاكل كثيرة بعد ما توفى وصاروا بكل شغلي بدهن يتدخلوا وما بدهن اياني اشتغل لانو شغل المراة عيب بالذات انها تطلع من بيت زوجها بعد ما يموت , وصاروا بكل موضوع يدخلوا في لد ما عدت اتحمل الحياة ورجعت لبيت اهلي مع ابني .
اهل زوجي ما تقبلو الموضوع ولكن صارت مشاكل كبيرة حتى اتأقلموا اني مش موجودة بحياتهن .
رجعت على الشغل ورجعت لحياتي الطبيعية ببيت اهلي حد ما تعرفت على شاب عن طريق الصدفة وعرف شو وضعي وصرنا نحكي مع بعض وصارت علاقتنا تكبر يوم بعد يوم .

صورة توضيحية

المهم انو بدو يحكي في ونتزوج وانا الصراحة ما عندي مشكلي , جوزي الله يرحموا صرلوا متوفي اكثر من 3 سنين , ومثل ما الكل بيعرف الحي ابقى من الميت .
اهلي ما رفضوا فكرة الزواج مرة ثانية بالعكس هادا سترة لالي وابني ما بقدر اخذ رايوا لانو طفل , المشكلة مبرت لما اهل زوجي عرفوا بالموضوع قامت الدنيا وما قعدت قرروا انهن يهاجموني وكل يوم بسمع حكي الناس علي بالذات لانهن من بلدي , ما خلوا علي قالوا عنب اني بنت شارع واهلي ما عرفوا يضبوني بعد ما مات زوجي وقرروا انهن يوخذوا ابني مني لاني بدي اتزوج وهني ما بدهن ابني يعيش مع زوج ام .لحد ما رفعولي تلفون وهددوني اذا ما بغير راي راح يوخذو مني بالقوة , او عن طريق المحكمة.
حاسة او الدنيا غضبت علي ليش المجتمع هيك ؟ ليش مجتمعنا ظالم المرأة  العربية , لما الدين ما حرم الزواج على اي اساس احنا البشر نحرموا...؟ ساعدوني هل اتزوج واحارب الدنيا واحافظ على ابني . وهل فعلا المحكمة بهيك حالة ممكن توخذ ابني مني او اقضي حياتي وحيدة مع ابني ما الي حدا او زوج اشكيلوا همي..؟ ساعدوني لو سمحتوا ...

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il