شاب: إكتشفت أن لا ذنب لها بعد أن تركتها وأهنتها وطعنت بشرفها وكرامتها!
- أبرز ما جاء في الرسالة:
* تركتها وما كان لالها اي زنب ولا اي شي المشكلة كانت مع ابوها
* صار اكتر من موقف يلي فيئني وزكرني انو البنت مالها زنب, بكفي اني طعنت بشرفها بس
* حابب احكيلا اني لساتني بحبها وما رح انساها واني بتاسف عن كل حرف حكيتو عنها واقسم بالرب ما كان ئصدي هينها
* اسا هيي بتكرهني ولما شفت نضراتها علي ئبل اسبوع متت حسيت انها دبحتني ولما حكيتلي انو هيي بشر وحئها تعيش وتموت مع كرامة دبحتني
وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
الرسالة هي التالية:
مرحبا انا شب عمري 24 عندي مشكلة مخربة علي كل حياتي ئبل سنة تركت خطيبتي بعد علاقة حب والمشكلة انو تركتها وما كان لالها اي زنب ولا اي شي المشكلة كانت مع ابوها, ويلي بخليني اتعزب اني حاولت بكل الطرق اخرب عليها وطعنت فيها وبشرفها وبسمعتها وبكل شي , وخطبت بنت ئريبة منها لحتى ضل اسمع اخبارها واشوفها, وصار اكتر من موقف يلي فيئني وزكرني انو البنت مالها زنب, بكفي اني طعنت بشرفها بس والله كل الئصد كان اني ما اخسرها او تنخطب لغيري..
صورة توضيحية
واسا هيي بتكرهني ولما شفت نضراتها علي ئبل اسبوع متت حسيت انها دبحتني ولما حكيتلي انو هيي بشر وحئها تعيش وتموت مع كرامة دبحتني حسيت اني بدي ابكي واحضنها واحكيلها انو هيي كلها شرف وعزة .. بس هيي ما عطتني فرصة ولا سمعتني. حبيت اوصل رسالتي للانسانة يلي بحبها ويلي بتتابع موقع العرب عطول...حابب احكيلا اني لساتني بحبها وما رح انساها واني بتاسف عن كل حرف حكيتو عنها واقسم بالرب ما كان ئصدي هينها ولا انزل راسها بالعكس كنت بدي منها تسامحني, بليزز ساعدوني كيف بدي اخليها تسمعني انا بعرف انها طاهرة ومالها بالغلط ومستعد احكي للناس اني انا يلي غلطت عليها بس المهم هيي تسامحني وترجعلي والله مو متخيل حالي بدونا, ويسلمووو...
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il