أم التميم يا ملاكي .. الله بضو الشمس زادك قوة وقواكي .. بقلم زاهي خطيب
ام التميم يا ملاكي
الله بضو الشمس زادك قوه وقواكي
عطف وحنيه اكتر من الناس اعطاكي
الله يطول بعمرك ويخليلنا اياكي
ايدك لما تخبط على كتافي
وريحه عطرك على لحافي
هني الي البلسم الشافي
من الهوى البارد والدافي
يا ماما مثل المجانين
انا وميلاد هون عايشين
احنا بعاد عنك مساكين
ونيالو اخوي تميم
ونيال الحبقه الورا الدار
بتسقيها ليل ونهار
نيالهن سالي وغنا وكنار
ونيال اولاد المدرسه الصغار
بمرق ربيع ورا ربيع
ببعد عنك وبضيع
نفسي ارجع طفل رضيع
بحظنك مثل الحمل الوديع