ابراهيم زعبي يدعو الجميع لتحدي الفشل بشعر يضرب على الوتر !
المحاضر بالكلية من البكي فرط
مستوى الطلاب بالكلية هبط
بس إحنا بنعرف شو سر البلية
انو ما بحضروهن منيح بالثانوية.
***
ااااااااخ شو العمل معهم شو العمل
صاحوا معلمات الثانوية يا خيبه الأمل
يا جماعه إيانا ما تلوموش
لانو هناك بالاعداديه بالمرة بيعلموش
***
نعم نعم؟ .. صرخت الست بالاعدادي
ولد فاشل ما شفت هيك بحياتي
عكل حال هاي مش رمانه هاي قلوب مليانه
مع انو المشكله بصراحه بالحضانة.
***
يا ناس دلوني شو العمل
إنا الحاضنة , هالحمل بيهد الجبل
ولد مش مربى منو ما تتوقعوش
الحق على امو الي ما ربتوش
***
اشكي لمين؟ ولاقيها منين؟
شغل وكناسه وتعزيل بدي لحق عمين ومين
بس أكيد مع هيك أبو لا نصيحة ولا تدبير
بدو يطلع زي أبوه مش نافع كثير
***
بالاخير تنهد الأب وقال:
اااااااااااااااخ يا ربي شو بدي قول يا ربي
يا جماعه إنا مش متأكد انو هاد الولد لإلي................