شابة: مجهول يهددني عبر الهاتف وأخفي ذلك عن خطيبي الذي أحبه وأخاف الخطأ !

 - أبرز ما جاء في الرسالة:

*  نشر رقمي واسمي على كل اصحابو ومعارفو غيرت رقم! 

*  خطيبي بدو ياني ارجع رقمي القديم جتى لو كلفني روحي وشكلو بللش يشك فيي

* واحد ما بيعرف الله عم يتصل علي رقم خاص ويهددني وما بعرف من وين عرف اسمي انا اظهرتلو انو ما بتفرق معي تهديداتو وطنشتو

---

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

مرحبا لاحلى موقع ولكل من يعمل في هذا الموقع وللمعقبين والمعقبات المحترمين اخوتي اخواتي انا فتاة ابلغ من العمر 24 عاما مشكلتي كالتالي انا حبيت شاب 4 سنوات وخطبنا وهو بموووووووووت فيي وانا نفس الشي بس المشكلة انو في واحد ما بيعرف الله عم يتصل علي رقم خاص ويهددني وما بعرف من وين عرف اسمي انا اظهرتلو انو ما بتفرق معي تهديداتو وطنشتو.
 

صورة توضيحية

المشكلة الاكبر انو نشر رقمي واسمي على كل اصحابو ومعارفو غيرت رقم! عشان اخلص من هالمصيبة وحكيت لخطيبي انو اخوي اخد رقمي القديم مني غصب عني ومش راضي يرجعلي ياه مع انو هالشي ما صار بس عشان اخلص من اسئلة خطيبي ليش غيرت رقمي وما دخل هالحكي براس خطيبي هلا خطيبي بدو ياني ارجع رقمي القديم جتى لو كلفني روحي وشكلو بللش يشك فيي مش عارفة شو احكيلو عشان يتنازل عن كلامو ويتقبل فكرة تغيير الرقم والله صارت بيناتنا مشاكل خير الله بسبب هالموضوع منشان الله احكولي شو اعمل بترجاكم اللي عندو تعليق مسخرة يحتفظ فيو لنفسو مش ناقصني وجع راس اللي فيني مكفيني وشكرا كتير الكم وللموقع.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il