إمراة :انا عاقر طرقت باب الفتاحين دون جدوى..ولن اسمح لزوجي بالزواج
أبرز ما جاء في الرسالة:
* صرت اتمنى الموت ما خليت علاج الا وجربتة دكاترة فتاحين لحد ما زهقت
* تقبلت الامر بصعوبة لانو جوزي كان كتير مليح معي وما كان يضايقني وقف جنبي واساني عاملني معاملة كتبر مليحة
وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
تحية عطرة وبعد..اشكر موقعكم الذي يتيح للجميع نشر مشاكلهم.
انا امراءة ابلغ الثلاثين متزوجة منذ 10 سنوات ومشكلتي هي العقم بعد الفحوصات قرر الاطباء انو ما عندي امل انو احمل وانا كتير بحب الاطفال وكمان زوجي.. تقبلت الامر بصعوبة لانو جوزي كان كتير مليح معي وما كان يضايقني وقف جنبي واساني عاملني معاملة كتبر مليحة وكان يقلي ما بدي اطفال انا بحبك وبدي ياكي بس مع مرور الزمن صار يتغير معي ويعايرني وصار يعذبني بمعاملتة معي وتجاهلة لالي تغير كتير. صرت اتمنى الموت ما خليت علاج الا وجربتة دكاترة فتاحين لحد ما زهقت وانا بحب زوجي كتير وما بقدر اعيش بدونة وما بقدر اقلو تجوز علي..صار كتير مشاكل بيناتنا وانا خيرتو ازا ما بدك ياني عشان الاولاد طلقني وانتي حر تزوج وحدة غيري او بتصبر لا تقنط من رحمة ربنا جاوبني انو هاد خيار صعب هو بدو ياني وكمان بدو يتزوج وحدة تانية عشان يخلف اولاد بس هيك انا بموت وانا عايشة ومش عايشة.
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il