أبي يخون أمي مع جارتنا

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

مرحبا انا اسا كتير تعبانة انا عمري 15 سنة ابوي بخون امي مع جارتنا وكل خواتي بعرفو وامي بتشك بالامر بس ابي ما بعرف انو احنا منعرف انو هو بخون امي ومع مين مع جارتنا !!! انا كرهتا كتير لجارتنا وحابة شي مرة اقتلها وابوي كمان كرهتو لما عرفت بس بحبو بنفس الوقت لانو ابوي حابة احكي معو واقلو انو احنا منعرف شو عم بساوي بس خايفة يتعصبن علي ويضربني ويبهدلني كل يوم انا واخوتي وخواتي منجتمع ومنصير نقول انو بدنا نصارحو عشان ما يفضحنا ابوي بالبد ويتطلق هو وامي ونعيش مشردين وبرضو امي عم تتعزب ابي مش عم يحكي معها ولا كانها بالبيت كانها كرسي او خدامة بتطبخلو وبتنظفلو وكل شي والله امي مو مقصرة معاه بشي ولا احنا مقصرين معة ليش هيك يعمل فينا شو ذنبنا احنا كل يوم عم اخاف اضل بالبيت كل يوم ابي بتقاتل مع امي وبيضربها وبصير يهددها بالطلاق حتى مرة ابي قلنا اذا طلقت امكو مع مين بدكو تيجو معي ولا معها !!!!! انا وقتها تجمدت ما عرفت شو احكي وصرت ابكي... ابي من زمان كان يحب ماما ويدللها وما يروح عمحل الا مع ماما شو صار هلأ ليش هيك صار ليش تغير؟!!! شو اعمل يا ربي ساعدوني وحياتكو انا كتير تعبانة وبدي اموت من قهري على حالي وعلى خواتي وعلى امي بالذات ساعدوني بترجاكووو

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il

كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية.