ينقصني شيء واحد وهو الحب فقط!

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

الرسالة هي التالية:
مرحباانا حبيت اعرض مشكلتي لالكو وهي كالتالي: انا الحمدلله الله منعم علي بكل الشي الحمدلله عندي عقل وجمال مش بس من بره من جوه وانا الحمدلله رافعة راس اهلي بعلاماتي وانجازاتي من وانا صغيرة وهنن يتاملوا مني كتير وانا بس كبرت حققتلهن الي بدهن اياه والي بدي اياه انا برضو ...انا مش ناقصني شي غير شي واحد هو الحب عارفة رح تقولولي هم بهم بس والله الحياة بلا حب ياس وملل مش انو تسلاي لا انا حابة يكون عندي شخص اكون مرتاحة معو احبو ونتجوز ونعيش لانو اسا انا لازم الاقي شريك حياتي لاني قربت اخلص تعليم بالجامعة وكتير تقدمولي بس ولا حدا بناسبني منهم...في واحد ما بعرف حبيتو من النظرة الاولى وما بيمرق علي يوم الا ما اشوفو بضل اتطلع علييه وهو كمان بس بعدين فقدت الامل انو ما بحبني ارتبطت بشخص تاني اعترفلي بحبو وضلينا مع بعض مع اني ما كنت بعرف ادا بحبو ولا لا بس ضليت معو واحترمتو وحسيتوزي اخي بعد فترة قصيرة حكا معي هداك الي كنت اشوفو كل يوم ما عرفت شو بدي احكي معو هو بلش يلمحلي انو بدو اياني بس خايفة من هيك لاني مش رح اغدر اقبلو لاني مرتبطة بس...ليش يا ربي هيك حظييي انا بحبو وكانحلمي اكون انا وياه سوا واسا لما قرب يتحقق خرب كل شي انا مرتبطة بغيرو يا ربي شو اساوي انساه خلص ولا اصارح اللي مرتبطة فيو واروح للي بحبو بليز قولولي شو اعمل لاني عنجد بحبو وبدي اكون وياه بس بنفس الوقت ما بدي اجرح اللي معي بليز انصحوني شو اساوي بلا تجريح فيي ...سلام لاحلى موقع واحلى زوار

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il

كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية.