تزوجت غصبا دون ارادتي

وصلت الى موقع العرب رسالة من فتة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

الرسالة هي التالية:
انا انظلمت بالزواج اتزوجت زواج غصب. هيك بدها امي .وابوي امرا وطاعه تحت امرك الي بدك ايا بصير وانا رحت تحت الاجرين اتزوجت بجيل ال17 وماكنت احبو ابداا كان ييجي لعندي اهرب من البيت ليش ياربي طيب ولله حرااام انو اتجوز غصب اتزوجت ووافقت بعد اصرار والحاح امي الي بدها ترتاح مني وتورجي لجارتها انها زوجت بناتها ال5 كل خواتي اتجوزو زواج تقليدي وعادي من دون حب .زوجي شافني عجب فيي وحبني حبا كبير لاكن انا مااستطعت اني احبو مش بايدي .كان بقلبي شخص تاني بس ماقدر يحبني قدر ما حبيبتو .بدي احكي الصراحه انا لاسا بعدني بحبو وحيات الله مش بايدي يمكن لانو اتجوزت غصب ضليت احبو .انا بكره اهلي كتير .اتجوزت وهلئ صار عندي ولد وبنت لساتهن صغار الي 6 سنوات متجوزه.الله يسامحهن اهلي ليش هيك عملو؟؟؟؟؟؟؟ راح اضل اسئل حالي واسئلهن ليش هيك عملتو.مع انو ولله جوزي مليح معي وبحبني كتير كتير وانا صرت احبو بعد فتره من الزواج بس المشكله بس اشوف الشخص الي كنت احبو برجفو اجري وقلبي بدق بسرعه وبتذكر ايام العزوبيه.... على كل حال برجع بالااخر بقول كل اشي بالدنيا قسمه ونصيب وانا مش معارضه على قسمتي من رب العالمين الحمدلله على كل اشي بس انا بقول انو حراام اعطو الفرصه للبنت انها تعيش حياتها وتحب وتنحب وتجرب الحب لو فشل .المهم انها تعيش قصه حب حلوه وماتنساها .للاهل ..انا بقول لكل اب وام بقرئو قصتي انو يتعلمو منها ويعطو فرصه كبيره للبنت انها تفكر بالعريس ما تغصبو عليها لانو ما راح تسامحكو كل عمرهاااا ..............انا بس بدي نصيحه الي انسى انو اهلي غصبو علي ما عم انسى كيف رضيت

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il

كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية.