اعشق شقيق زوجي فهل انا خائنة؟
وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
لزوار موقع العرب مرحبا....
بالاول بشكر الموقع على هاي الزاوية المميزة اللي بتخلي الواحد يفضفض فيها ويقدر يستمع لآراء الناس واقتراحاتهن من دون ما يكشف عن هويتوو.
انا بعد تفكير عميق قررت انو اكتب مشكلتي وبعرف انو رح كثير تنتقدوني بس مش مشكلة انا رح اكتب، انا بحيرة من امري كثيير كثيير، انا سيدة متزوجة عمري 28 سنة حلوة متعلمة وبشتغل شغلة نظيفة ومحترمة، ومشكلتي مش بالشغل شيلي، مشكلتي اني بحب سلفي (أخو جوزي) ومش بس بحبووو بعشقوووو وكنت بتمنى لو انو هو جوزي، كثير منكووو رح يلومني على هاي الجملة بس هاي مش خيانة
انا بتمنى هذا الاشي من كل قلبي اخو جوزي شب متعلم وبشتغل محامي بينما جوزي بشتغل بالـ שיפוצים بروح حالتوو بالويل بحط راسو وبنام ولا كلمة حلوة ولا عبالووو ولت ايام الحب، وسلفي كما حليوة كثير بينما جوزي ماكل هواي بوجهووو من الشغل من شي سنة تقريباً.
والاشي مش خارجي بس سلفي كثير طيب ومنيح وحنون داخلياً بعكس جوزي اللي تربى بهذا الشغل، بالرغم من هيك انا بحترم جوزي بس هاي الاشياء خلتني اصير احب واعشق سلفي لدرجة بخاف اكون نايمة بالليل وجوزي حدي واحلم بأخوو واقول اسمو، مع اني مطمني انوو جوزي بكون بسابع حلم من التعب...
من جديد بلشت اتقرب من سلفي وادليلووو مع اني خايفة من عواقب الامور، بس هاي مش خيانة صدقوني الاشي جواني... شو اعمل ؟ اكمل بحبي لسلفي، ولا شو اعمل ...
بتمنى تساعدوني وتعطوني الحلول..
وشكراً جزيلاً
موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il