سأنتقم ولو في آخر يوم من حياتي

 وصلت الى موقع العرب رسالة من فتاة تطلب ارشاد ونصيحة زوار موقع العرب الكرام.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
السلام عليكم ورحمة الله وبركاته انا صبية عمري 17 سنة كانت الي صاحبة الي كنت اعتبرها تؤام روحي عملت مسافة بيني وبين صاحباتي والباقيات كنا شلة وفرقتها صار مشاكل بينهن وهي السبب بس هن ضلين معي بعلاقة منيحة طبعا لانه مخصنيش بس بما اني كنت انا الراس بالشلة حاولت اصلح الودع كثير مزبطش اكتشفت انه هاي البنت كل همها كان بدها اياني الها وبس!! مشى الوضع وضلينا صاحبات كتير لحد ما غدرتني وحكت لاهلي سري طبعا انا تعاقبت بس انبسطت انه اهلي عرفوا ارتحت بس الي قهرني انها وصلت لاهلي هاد الحكي بعد ما ابعدنا انا وحبيبي عن بعض بموافقتنا الاتنين علشان ميصرش مشاكل(اهلي يعرفوا)كنا نطمن بعض على حالنا وخلص بس طبعا هي دمرت الدنيا بعد ما وصلت لاهلي يعني حتى حبيبي مصدوم مش عارف كيف بده يكون موقفه لما تيجي عينه بعين بابي..انا وعدت حالي اني ما اموت قبل ما اوخذ حقي بايدي لو قبل ما اموت بدقيقة..بس برجع بقول منها لالله.. يمهل ولا يهمل..كثير مجروحة..وتعبانة..وانا بحكيش الي بقلبي غير لورقتي..وبتسائل كثير طيب انا عمري ما آذيتها وضحيت عشانها بكثير اشياء..بتمنى ييجي اليوم الي نتواجه فيه..عشان اخليها تبكي دم..كرهتها.. وشكرا سلف لالكوا..

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il