يا قلبي - بقلم: داهش مشلب
يا قلبي عاحبيب العمر نادي تاطير الجو ينزل عاغصوني
وخلي العمر كلو عطر نادي تا يملى الكون من وردة حنونة
ولما البحر عاشاطي حياتو بيهدي مثل نحلة وزهر فَتَّح
بصير الشط لبحرو نجاتو وهيكي البحر شط وسيع بربَح
لولا الحب ما عنا ولايا ولولا البحر ما سمعنا هديرو
ولولا القلم ما سمعنا روايا ولولا المي ما شفنا غديرو
ولما فصل من احلى فصولي ربيع العشق بيجيني بيمشي
قلبي بيفتح بوابو بسهولة بيدخل مثل عين ومثل غمشة
يا ريت الكون كلو زهر طاير بزوروا عطرهن لما بطيروا
مثل بركان ميي وبحر فاير هيكي النحل بملّي قفيرو