صبية (25 عاما):يعايرونني لعدم زواجي

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

اناصبية عمرها 25 سنة, والحمد للة انا راضية عن شكلي واخلاقي عالية كمان, بس علشاني ما اتجوزتش لحد اسا وبعدني باليبت وبالاخص ابوي بضل يلطشني حكي ويقولي راحت عليكي ,ومنة العوض وعلية العوض وبضل يقول لاختي الصغيرة مش تلحقي اختك وتضلك بالبيت وتسميع حكي بجرح , ونظرة الناس لالي نظرة غريبة , ولانة كل صاحباتي اتجوزوا وبنات العيلة كمان اتجوزوا وانا على علامة سوال من عيون الناس وكاني مجرمة او مزنبة... انا بنت بمشي الحيط الحيط وبقول يا رب السترة , يعني ما بئبل احكي مع حدى او اتعرف , هيك اخف مشاكل واخف وجع راس ,,,,, عنجد انا كتير متضايقة من وضعي بالبيت ما في عندهم احترام للمشاعر ..

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il