انتظر اتصاله منذ سنتين!

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

رح اكتب مشكلتي عشان تساعدوني وبتمنى انو الاقي نتيجه منيحه اللي تريحني. كنت بعلاقه عاطفيه انا وابن عمي بعد ما طلب انو نحب بعض واصر على هاد الاشي وانا بعد تفكير بفتره طويله وافقت على هاد الشي.. لانو كنت اقول انو هوي متل اخوي ومش ممكن ومن هالكلام, وصل الوقت وقبلت انو نكون بعلاقه,, وبعد هيك حبيتو كتيير,حسسني بحب وحنيه بعمري ما حسيتها ..حبيتو من قلبي من جوييت قلبي انبسطط لاني كنت خايفه اني اتجوز واموت وانا مش شاعرتو هاد الاحساس بس الحمدلله حسيتو قعدنا 6 اشهر مع بعض وكل شهر احبو اكتر واكتر واكتر . بعدين يوم من الايام تزاعلنا لانو ما حكا معي يوم كامل وكنت سامعه كم شغله عنو انو امرات بيطلع سهرات وبيكون بنات ومن هالحكي.. وانا زعلت منو وما عدت ارد عليهف فتاني يوم أجا عندي عالبيت عشان يصالحني وقللي انو تلفونو خربان وحكينا .. وقلتلو اوكي مش مشكله بس انا كمان متداييقه منك كتير لانو عم بسمع حكي عنك انو عم تعمل اشياء بتزعلني وانا واثقه من الكلام اللي بيوصل فهو طبعا حس انو غلطان وعرف عن شو انا قصدي وحكالي انو لما اروح رح اتصلك وما تزعلي عشاني وانا بحبك. وانا ضليت ساكته ومن يومها لهلأ وانا استنا بتلفونو , صار مارق سنتين عن هاي القصه ولا مره حاول يتصل ولا هودعا ولا شي ,, شو اعمل ؟ شو اساوي؟ انا كمان ما بعتلو شي ولا اتصلتلو لاني بستنا فيو هوي اللي يسأل ولحد اسا بفكر فيه ومش رايح عن بالي وبعد عندي امل انو نرجع .. اكيد رح تستغربو من قصتي الغامضه بس هاد اللي صار معي وانا قلبي صار حجر بطلت اتحمل . الموضوع فيو احراج الي لاني بشوفو امرات وبحكي معاه عادييي كصديق بس من جواتي بضحك على حالي وهوي ولا كأنو في اشي ساعدوني ايش اعمل ؟؟ اشي بيحيير لانو هوي عن جد كان يحبني بس شو صرلو ما بعرف.

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il