موشحات إتَّكل على الله في كل َشيْء

رَمَيتُ احمالي عليك --- يا حامل عَنّي الأثقال
سَلَّمتَك أُمـوري ليـك --- يا مدَبِّر كُلّ الأعمـال

إنتَ دربـي لِلنَّـجـاح --- بِتخَـلّي أيّــامي مْـلاح
بِدونَك فِكري سَوّاح --- قاعـد بِــدونِ أشـغــال

إنتَ سِراجي لِرِجلي --- إنــتَ نـورٌ لِسبـيــلي
ياللّي بتُرسُملي أمَلي --- مِن دونَك مالي آمال

روحَك نور بيُرشِدني--- في ضَعفي يدافِع عَنّي
بيِلهِـمني وبيـعَلّـِمنـي --- بيخَلّيني أكتُـب مَـوّال

روحُ اللّهِ اللّي بقلـبي --- بيرَيِّحـني مِن تَعَبـي
شو ما أطلُب بيـلَبّي --- بيجاوِبني عَالسُّــؤال