محمود نعامنة من عرابة يصف غزة

* فلسطين عربية، وراح تبقي عربية، وراح ترجع عربية، فلسطين عربية

* قالولك ممنوع تعيش، فلسطيني ممنوع تثور ومش مسموح تكون مقهور إياك تطالب بحقك ,إوعك بيوم تشوف النور

الفتى محمود معتصم محمود نعامنة من قرية عرابة البطوف هو حفيد أبو المأمون محمود سعيد نعامنة والذي أشغل منصب رئيس المجلس المحلي في العام 1976 ومنحه الله قدرة عالية على الالقاء في المناسبات الوطنية اذ القى قصيدة إحتجاجاً على "الحرب على غزة" وكان لتلك القصيدة أصداء إيجابية كون أن الكلمات كانت تعبر عن الوضع المأساوي الذي وصلت اليه حال ابناء الشعب الفلسطيني.



وتقول القصيدة: فلسطيني ممنوع تعيش، قالولك أسكت ما تحكيش،إنتَ خلقت للتلطيش للحواجز للمعابر للتفتيش ، كتبوا علي جبينك ينداس ،من الضابط للشاويش فلسطيني قالولك ممنوع تعيش  ،فلسطيني ممنوع تثور ومش مسموح تكون مقهور إياك تطالب بحقك ,إوعك بيوم تشوف النور.
ممنوع تجدد هوية،ممنوع تجدد بسبور،فلسطيني و بدك تتعلم،هاي الشغلة ضد الدستور،فلسطيني لازم تتألم،من دون ما يشوفك دكتور،فلسطيني ممنوع تتظلم، ولا يطلع بجناحك ريش فلسطيني ممنوع تعيش.

فلسطيني بكل المطارات،اسمك بالأحمر مكتوب، وعلى شباك مصلحه الجوازات، كتبوا علي جبينك مطلوب،لازم تتوقف ساعات،مذنب أو مـن دون ذنوب،ويتوجه إلك اتهامات،إنك سبب كل الحروب،كأنو بسببك الحق مات والعدل بأرضك مصلوب،وكأنك سبب النكسات و كــل أزمات الشعوب،وكأنو بسببك مجرم فات،على جنين بلحظة الغروب،ودبح صبيان و بنات،وعجوز على أمرها مغلوب.
مع إنو الحقيقة،أنا إليِّ بالدنيا ضحية،عملتوني مادة للغنى،وقضية إلِّي ما عندو قضية،أنا إليِّ راسي ما إنحنى، بوجه الريح القوية، أنا إليِّ شعبي صمد في الضفة وبالرشيدية ،أنا اليِّ شعبي انتفض وبحجر حارب دورية،و اليوم وبكرة وللأبد،عندنا كلمة وحدة هيا. فلسطين عربية،وراح تبقي عربية،وراح ترجع عربية،فلسطين عربية.