زجل ألْقِ عَالرَّبِّ هَمَّك

ألْقِ عَالرـَّبِّ هَمَّـك ____ سَلِّمْهُ كُلّ  احمـالَك  

لا تْفَكِّر إنَّـك وحيـد ____ بيِعرِف اللّي  بِبالَك 

أُطلُبهُ راح يِستجيب ___ هُوِّ سامع  صَلَواتَك 

لِأنَّك إبنُـه الحـبيـب ___  راح يلَبّي  طلباتَك

بِتلاقيه مِنَّك قريـب ___  بيسَدِّد  لَك حاجاتَك

انتَ ما مِنّه غَريب ___  إرتاح ورَيِّح  حالك 

هُوِّ عارف افكارَك___فاحص عَقلَك والضَّمير 

لا تْحُطِّلُّه أعذارَك ___  هُوِّ صاحـبِ التَّـدبـيـر

خَلّيك عَلى قرارَك ___  صَدِّق إلهَــك قَــديـر

كاشف كُلِّ أسرارَك___  عارف كُلِّ أحوالَك 

رَبَّك ما عِندُه خَيْبات___ وما في عِندُه خَساره

ما عِندُه مَحسوبِيّات ___ ولا بيِعمل بِالتِّجاره

هُوِّ كُلِّيِّ الرحمـات ___ بيِعطي دوم بغزارَه

رَبَّك مالِكِ القُدرات___ ما بيخَيِّب  أمثـالَـك