زجل : الرَّحمة لا الذَّبيحة

ألله بالرَّحمِة  بيِمْسَح                                                                

عَنَّك  الذِنـوب

لمّا تْسامِـح وتِصفَح

تِرجَع  وِتّـوب

لَوْ قَدَّمِـتْ  ذَبيحَـه

ما بتِكْفي  الرَّب

بَدّو  معامَلِه مْليحَـه

وِشْوَيِّة  حُـبّ

لا تِحْكِ كلمِه قَبيحـه

إِوْعَك  تْسِـبّ

بالنّظَرات الْمُريحَـه

بتِبقى الْمحبوب

لَوْ  زَكَّيْـت بأموالَك

وقلبَك فاضـي

بتكون تَعَّبِت حالَـك

على الفاضـي

إِعْمَلْ حَسَنِه  بأفعالَك

رَبَّـك  راضِ

عَمَلَك  وَحْدُه بيِبقالَك

أَجْرَك مَحْسوب