زجل بِدنا الدِّنيي عَمرانِة

بِدنـا الدِّنيي عَـمـرانِـة ---- وِالبَسمِة تْعــود 
وتِبقى النّاسِ طربانِـة ---- عَـنَـغْــمِ العــود 
_______________________  
لا تْخَـلّوها خـربــانِـة ----  تْهِدّوا البِـنـيان 
حَتّى طيـورا هَربانِـة ---- تَركت الِاغصان 
صِرنا بتِشرين الثّاني ----  كُـلُّـه يَـــأْســان
 وأَرِضِنا هَالعطشانِة---- مـا فيـهـا تْــجـود  
_______________________  
أللّه أعطـانـا نِفــرح ---- أعــطـانا وْعــود 
وبِالمحبِّه ما نِجرح ---- وِالسـِّـلـمِ يْــســود 
عَصوتِ الغِنا نِمرَح---- لا صوت بـارود 
ما يْعود في ولا مطرح---- لِلْحربِ وْجود